Compress::Zlib 無啦啦corrupt左

今日比人投訴，話成個月都收唔到email．．．入去mail server度睇，初初就以為咁啱無人send比佢啫，因為睇d log都似正常，懶懶地咪用個gmail send張嚟試吓，點知等左成個鐘都收唔到添．．．於是就再慢慢比多d心機睇吓個maillog，點知見到”mailgateway postfix/lmtp[17734]: connect to 127.0.0.1[127.0.0.1]: Connection refused (port 10024)”吓？？？10024咪就係amavisd囉．．．跟住仲發現個process真係無左添．．．

明明行左半年都無事，又會發啦啦嘅．．．諗吓諗吓，又真係喎，點解近排我無收到worm嘅通知呢？（因為config到一收到有worm嘅email就通知我，雖然我都無嘢做到，不過得個知字都好啊．．．）於是就梗係試吓start返個process啦，點不知又比佢鬧鬼我：

Starting amavisd: ERROR: MISSING REQUIRED BASIC MODULES: Compress::ZlibBEGIN failed--compilation aborted at /usr/local/sbin/amavisd line 160. [FAILED]
我梗係睇吓有無install到啦，做左個"yum list all grep perl"
perl-Compress-Zlib.i386 1.42-1.fc6 installed
吓？咁即係點啊？
我先remove "yum remove perl-Compress-Zlib.i386"之後再install，結果一樣．．．

又係唔理性嘅時候，唔理佢咁多再用"perl -MCPAN -e shell"之後行"install Compress::Zlib"梗係fail啦，到左咁唔理性嘅時候就梗係來硬嚟啦，今次仲”force install Compress::Zlib"．之後梗係install ok架，不過個case都係一樣囉．．．．唔理性到極點就去試吓download最新嘅amavis stable version 2.5.4試吓啦：－

Starting amavisd: ERROR: MISSING REQUIRED BASIC MODULES: Compress::ZlibBEGIN failed--compilation aborted at /usr/local/sbin/amavisd line 171. [FAILED]

呢個做法，只係將個complain嘅line no 由160變左做171．．．即係問題仲”未解決”到啦．．．

R哂頭，明明响度架，又比我搵到有人教’perl -MCompress::Zlib -e'print "Found\n"'’哈哈，行完終於都有少少頭緒喇，因為佢鬧：－

is only avaliable with the XS version at /usr/lib/perl5/site_perl/5.8.8/Compress/Zlib.pm line 9BEGIN failed--compilation aborted at /usr/lib/perl5/site_perl/5.8.8/Compress/Zlib.pm line 9.Compilation failed in require.BEGIN failed--compilation aborted.
yeah，睇嚟要做一次recompile，於是就走入CPAN個shell做一次recompile，即係”perl -MCPAN -e shell"之後打"recompile"．等左半個鐘左右，哈哈，真係work喎！！Yeah．．．但係唔明點解無啦啦d library會corrupt左，不過真係比佢玩死．．．

諗吓諗吓，我好似行過”yum update”去update部機喎，又好似有d perl library update左喎．．．如果係唔得嘅話，仲咩比我update啊？？？