Solstice Backup 6.1 using SUN StorEdge L8 on Solaris 9

又係手尾之一嘅功作，就係要睇下點解個solstice backup 6.1無啦啦唔work．．．．最怪嘅係原來無人知install左套咁嘅嘢．．．

事原係公司有一部SUNFire280R駁住部SUN StorEdge L8，無啦啦個同事叫我幫佢搞個backup，但係就話唔知點做．我開頭本來想用mtx+amanda幫佢搞，因為佢仲要back埋其他機（包括另一部SUN同另外兩部window機）．但係當install完個mtx就覺唔對路，因為用mtx manage唔到個changer．無頭緒唯有叫佢地降低要求，改做人手轉帶，backup就只做兩部sun機，行rsh做backup．後來部機無啦啦壞左motherboard，有sun engineer上嚟睇，梗係問多句mtx點解唔得，答案其實都估到，就係只係support你用mt，mtx係freeware唔包括在support內，如果你用mt backup到就即係話hardware無事，用唔到個changer唔關佢地事．．．真係比佢吹脹．．．

後來我死唔信邪，於是慢慢去study，後來發現原來部機一早就install左個Solstice Backup 6.1，不過竟然連day 1已經support梗嘅同事都唔知．．．於是就馬上uninstall左個mtx，login入去個Solstice Backup睇睇咩事啦．一睇之下仲覺有問題，佢地連pool都create埋，應該係已經backup過一輪．．．有無搞錯．．．不過可能個driver比我install MTX搞死左，於是我就試下delete個jukebox再create過，當然唔成功，佢就鬧我話無detect到有driver或者個driver有問題．．．有無搞錯，明明有install到，其實你對眼係咪有問題先真啊．．．．

之後當然四出問同事，到底邊個keep起左套CD啦，而最後發現個答案竟然係無人有．．．．．．真係頂x100．．．不過有某同事去vendor度班到隻CD返嚟，但係一install就發覺個changer driver md5 not match，搞左一大輪先搞到隻無事嘅CD去試．再次install都係失敗．响無頭緒又唔想就咁放棄嘅情形下，唯有uninstall哂所有driver，轉個第二個SCSI port試下得唔得，點不之一做就得左，咁我就梗係由得佢，就咁用啦，本來呢件事已經告一段落，但係因為我唔鍾意佢係用/dev/rmt/1*，想轉返用/dev/rmt/0*，於是就咁delete哂/dev/rmt/*然後uninstall個driver再boot一次機等佢自己detect and setup返所有/dev/rmt/0*．然後再install個driver．點不知．．．．頂！！！！佢唔比我install個driver，又係鬧同一個message，有無搞錯，之後睇dmesg又發現有好多scsi error message：－

"Jun 19 13:43:12 server probe request for LUN 0 denied: max LUN -1Jun 19 13:43:12 server scsi: [ID 107833 kern.warning] WARNING: /pci@8,600000/pci@1/scsi@5
(qus1):"

當然我到而家都唔排除hardware可能有問題，但係亦問過SUN嘅engineer，佢地唔會包solstice backup software嘅support，要我地contact EMC（veritas比EMC買左）果邊嘅support，而唔係搵佢地．．．但係我真係唔明，如果我係覺得係hardware有問題，點解要 contact EMC唔係SUN?咁如果係changer點先可以prove係hardware問題？因為OS都無driver，咁我就梗係要用其他software先試到個changer啦，但係咁佢地就唔包，咁個support都真係幾好做架喎．．．再者，一來我地都無join到個main，實無support比到啦，更唔好講我唔會覺得EMC而家仲會support Solstice Backup 6.1囉．．．

Anyway，唔想同佢drag　on，於是我又再做唔同嘅嘗試，包括delete哂/dev/rmt/，然後uninstall再轉SCSI port．之後又試過唔delete/dev/rmt/先再uninstall and轉個第二個SCSI port都係唔得．．．．到最後無啦啦叮左一聲，就係試唔轉port(用返之前我試得果個），delete /dev/rmt，唔boot機，就咁行devfsadm -i st，再install driver，竟然得左．．．．我其實都唔知點解要咁試，又唔知點解會得，但係呢個世界就係咁，唔係我唔想了解，而係唔似會答到我or even 肯答我．

Anyway，呢個咁奇特嘅installation問題，就係响一個咁唔清唔清楚嘅情形下，叫做搞掂左．咁樣搞搞下就搞左幾個月，因為唔係成日都可以 down機嚟試．．．試一次要等成個月，所以我最後都係決定寫低個過程，萬一touch wood要再做都有個底去睇，希望可以比到少少啟示．．．