我公司其實係用梗Amanda做Backup嘅，我一上手第一樣試嘅就係做個“amtape show”睇下係邊個Slot果餅帶Back左上星期五嘅Data．一睇之下知道係Tape 3嘅Inecremental．咁我咪打“amtape slot 3 ”轉去Tape 3然後就入“amrecover DailyBack”．入左amrecover個console我仲記得係用sethost setdisk 同setdate三個command去identify要由邊個backup度restore出嚟．先用sethost去point到去個DB Server，然後就用setdisk去point去DB嘅partition，最後用setdate去point去要restore果一日．
當我打完呢三個之後就發現自己之前蠢左，原來佢係醒到識自己幫我轉埋tape架，諗深一層又覺得應該嘅，如果咁都唔識又洗咩用佢呢？跟住我就用“cd”navigate到自己想restore嘅target，然後再用“add”將個target放extraction list，到最後用“extract”去execute個restore動作，個amrecover concole竟然係咁話：－
EOF, check amidxtaped.
amrecover: short block 0 bytes
UNKNOWN file
amrecover: Can't read file header
extract_list - child returned non-zero status: 1
Continue [?/Y/n/r]? Y
大佬，咩事啊？唔知點算咪Google下囉，一搵就搵到Amanda個faq-o-matric有喎，開心到我暈，以為咩黑氣都過哂添，點不知睇完真係暈左，原來係有兩個人都有咁嘅問題，並唔係有人有Answer．．．．Shit！
唉！但係佢地都比到個hints我，就係要去睇下/var/log/amanda/amidx.*有咩message睇．一睇之下嚇到眼都突埋，佢話餅tape入面嘅data係6月4號？？？咪即係星期一，亦即係打梗command果一日？我梗唔信啦，有咩理由先得架．我之後就用“amadmin find myhost myfile“睇下咩東東，喂！明明係Tape7先係星期一架喎，你有無搞錯啊！我份人就死都唔信邪．
其實我用Amanda嘅原因除左係因為佢免費之外，仲有就係因為佢係用gnu tar或者係用ufsdump做backup架，好處就梗係萬一個OS有咩事，唔洗慌唔知點restore啦．事關tar同ufsdump係OS Bundle嘅program，有咩事只要有OS就可以馬上做restore，就算真係無OS，用Knoppix咪無有怕囉，CD就可以Boot得起成個OS，gnu tar就梗係一boot起就有啦．
上去睇Amanda.org嘅manual學下點做manual restore．睇來睇去都係唔明，小弟一向都信“世上無難事，只怕你唔試”！試下試下就知道個Concept個好簡單，其實每一日嘅backup係store入一個file裡面，而佢就用在個file最前面嘅32 kbyte做file header store下個backup究竟係邊個，邊個host同邊個隻disk．
係咁嘅情況下，我就先check下我要嘅backup係第幾個file啦，只要睇下個amidx.*就知原來我要嘅backup係第72個file，然後就用standard Linux command”mt -f /dev/tapedevice fsf 72”去skip到我要個file，跟住就又係用standard Linux command讀左頭果512個byte睇下係唔係我要嘅嘢先．點不知都唔係我要嘅嘢，都估佢唔會咁so我架喇．我就估可能前前後後多左或者少左d file啫，只要我睇下個amidx.*睇下佢話呢個file係第幾個file，然後同72呢個我嘅target做個加或減咪得囉．
點知都唔係，仲要個sequence都唔match，我嘅意思係amidx.*入面講嘅file個實際上tape入面嘅file都唔一樣，直情係九唔答八添．我開始懷疑係個index corrupt左，原因好可能係啱啱上個星期日開始左個新cycle，咁佢就將之前個cycle嘅index drop左．
真係唔好以為我會咁易放棄先得架，我就當無左個amanda做一個full manual restore，即係完全唔用amanda provide嘅任何command，只係用standard Linux入面嘅command做restore．第一樣要做嘅就係幫餅tape做個list，我就寫左一個好簡單嘅script：－
!/bin/bash
let “count=1”
mt –f /dev/tapedevice rewind
while [ “0” = “0” ];do
mt –f /dev/tapedevice fsf 1
dd if =/dev/tapedevice bs=32k count=1 of=idx.$count
echo “$count” >> tape.index
head -1 idx.$count >> tape.index
let “count+=1”
done
行完之後就就會將個file list放左入一個叫tape.index嘅file入面，一睇知下就更加confirm我講個index corrupt左嘅講法，因為個list係同amidex.*入面嘅content真係完全唔同，說時遲那時快，我馬上搵到個file嘅position原來係78，咁我就用下面嘅command去讀返個file去嚟：－
mt –f /dev/tapedevice rewind
mt –f /dev/tapedevice fsf 78
dd if=/dev/tapedevice bs=32m count=1
之後就confirm個list係啱，然後就將個file用下面嘅command load返出去個OS上面：－
dd if=/dev/tapedevice bs=32k of=oracle.restore.tar
之後我就“tar –xvf app/oracle/oradata/SID/* oracle.restore.tar”restore返d oracle嘅data file出嚟．嘩！你都咪講笑，我將個file由tape到落返落個OS度就用左半個鐘，但係我由個disk file度restore返d oracle data file出嚟竟然用左一個鐘都唔止．真係蠢到極，竟然唔記得tape嘅concept係sequential所以係會好快，而disk係random access，所以會比tape慢．
之後就到比oracle玩我個同事，不過都係下個blog先再同大家交代．
沒有留言:
發佈留言